Безнең тагын бер язгы бәйрәмебез бар : 12 апрельдә Космонавтика көнен билгеләп үтәбез.  1961 нче елның 12 апрелендә, дөньяда беренче буларак, бортына кеше утырган “Восток” космик корабле җир тирәли орбитага чыгарылды. Бу кеше – очучы – космонавт Юрий Алексеевич Гагарин иде. Ул илебез хөкүмәте тапшырган эшне үтәде.  Космонавтика  көне уңаеннан  физика укытучысы Григорьева  Л. И.  8 класс укучылары белән  дәрес – конференция, 1-9 класслар белән  “Кеше Галәмдә” дип исемләнгән телдән журнал, 9 класс укучылары белән “Космосмик  уен “, 5 - 6 класс укучылары белән “Легендарь шәхес” дип  класс  сәгате үткәрде. Әлеге чараларда укучылар төрле сораулар биреп, уенда бик теләп катнаштылар.