Һәр елның 15 феврале совет гаскәрләренең Әфган җиреннән чыгарылган көне буларак билгеләп үтелә. Әнә шул сугыш көннәреннән инде 28 ел вакыт узган.Һәркемгә мәгълүм – сугыш корбаннарсыз булмый. Безнең Татарстан җирлегендә туып-үскән менә дигән 257 егет тау-таш арасында җан биргән... Интернациональ бурычларын үтәгән ирләрен, улларын, абый-энеләрен югалткан гаиләләр өчен Әфган сугышы беркайчан да тәмамланмаячак. Беребезнең дә бу кайгылы көннәрне онытырга хакы юк!     15 февральдә Носы төп мәктәбенең 2-4 класслары белән "Әфган җилләре” исеме астында  батырлык сәгате уздырылды. Алар сугышта һәлак булганнарны зур хөрмәт белән искә алдылар. Укучылар   Әфганстан, Чечня фаҗигалары башка кабатланмасын, бу сугышларда һәлак булган солдатларның ата-аналары күргән кайгылар башка беркемнең дә башына төшмәсен, хәзерге вакытта хәрби хезмәттә булган абыйлар тыныч көннәрдә армия хезмәтен үтеп, исән-имин туган якларына әйләнеп кайтсын иде дигән теләктә калдылар.