Сәрдәбаш башлангыч мәктәбендә “Интернет – дусмы, дошманмы?” темасына тәрбия сәгате үткәрелде. Балалар интернетның файдалы якларын санап чыга беләләр. Ләкин  интернетны явыз ният белән кулланучы җинаятьчеләрнең артуын, аларның балаларны тыныч тормыштан аеруларын, үзләренең колына әверелдерүен белгәч,укучылар   аларга карата нәфрәт хисләрен белдерделәр. Балаларыбыз кечкенәдән акны карадан аера белергә тиешләр. Моның өчен һәрвакыт аңлы,уяу булырга,үзара җанлы итеп аралашып, тормыштан тәм, ямь табып яшәргә кирәк ,дигән нәтиҗәгә килделәр. Үзара дуслык, бердәмлекне ныгыту максатыннан, төрле уеннар уйнадылар. Коллективта һәр бала үзен кирәкле итеп тоярга,  яклау табарга тиеш – безнең эшчәнлекнең төп максаты.