Республикабызда автотранспорт саны, юлларда машина хәрәкәте көннән-көн арта бара. Шуның нәтиҗәсендә балаларның юл-транспорт һаләкәтенә  юлыгу куркунычы да көчәя. Ә бу исә, үз чиратында, балаларга мәктәптә юл йөрү куркынычсызлыгы кагыйдәләрен өйрәтүгә аерым игътибар бирелергә тиешлеген ассызыклый.   Мәктәптә алган белем һәм күнекмәләр яхшы үзләштерелә, тиз генә онытылмый, гомер буена саклана. Балаларга кечкенәдән үк “Юл әлифбасы”н өйрәтү, аларда юл йөрү күнекмәләре формалаштыру – әти-әниләрнең, барлык  педагогларның изге бурычы. Мәктәптә алган тәрбия безне гомеребез буена озата. Шуңа күрә без балаларга юл йөрү кагыйдәлерен өйрәтү юнәлешендә төрле алымнар кулланып эш алып барабыз. Башлагыч класслар атналыгының темасын “Юлда булсаң, бул өлгер, юл кагыйдәләрен бел!” дип атадык. 23 нче январь көнне барлык классларда шушы темага әнгәмәләр һәм юл билгеләренә багышланган табышмак кичәсе үтте.