Сәнгать – халык күңелен, аның мәгънәви тормышын чагылдыра торган иҗади хезмәт. Шуңа күрә күпчелек очракта халык тарихын һәм хәзерге хәлен сәнгать, бигрәк тә сынлы сәнгать аркылы өйрәнәләр, танып беләләр.   Татар халкының  сынлы сәнгате бизәү  һәм  сырлаудан тора. Халык үзенең кием-салымын, йорт-җирен, көнкүреш җиһазларын гасырлар буе үзенә хас декоратив рәсемнәр белән бизәп килгән. Чабата үрү, чыпта туку, читек бизәүдән  башлап, катлаулы сарайлар салуга кадәр һәркайсында халыкның иҗади зәвыгы чагылган.   Сынлы сәнгатькә кызыксыну булдыру безнең мәктәптә  югары дәрәҗәгә куелган. Укучыларыбыз сынлы сәнгать дәресләрендә бик теләп белем алалар, төрле рәсем конкурсларында катнашалар.  Каникул чорында үткәрелгән “Кар өстендә рәсем ясау” конкурсы аларга бик ошады.