Укучыларны, укытучыларны, тамашачыларны түгәрәк эшчәнлеге белән таныштыру, эшләнгән эшләргә нәтиҗә ясау максатыннан “Яшь хәбәрче” түгәрәгенең иҗади чыгышы булды. Түгәрәккә йөрүче укучылар түгәрәктә алган белемнәре, күнекмәләре турында сөйләделәр. Түгәрәктә шөгыльләнүнең иптәшеңне тыңлый, ишетә белү, ишеткәнне үз фикерең белән чагыштыру, нәтиҗәгә килгәнче, төрле карашларны өйрәнү һәм дөрес юлны сайлау кебек коммуникатив гамәлләр; килеп чыккан проблемаларны уртага салып хәл итү, төркемнәргә берләшү, бер фикергә килә белү, өлкәннәр һәм яшьтәшләрең белән продуктив уртак гамәл оештыру; мәгънәви ки­сәкләргә бүленү, алар арасындагы бәйләнешләр, төп фикерләр билгеләнүе һәм аны үз сүзләрең белән әйтеп бирү күнекмәләре кебек коммуникатив гамәлләрнең камилләшүенә китерүе ассызыкланды. “Яшь хәбәрче” түгәрәгенең эшчәнлеге зур экранда презентациядә чагылыш табып барды. Түгәрәктә шөгыльләнүче һәр укучы үзе иҗат иткән хикәясе, шигыре, мәкаләсе белән чыгыш ясады. Тамашачыларга бу уку елында һәм үткән уку елында басылып чыккан “Күңелле тәнәфес” газетасының төсле форматтагы басмалары белән тагын бер  кат танышып чыгарга мөмкинлек бирелде.