Кыш быел бик җитез булды. Агачлардан яфраклар коелып беткәнче  җирне ак кар белән каплап,  яфракларны кар өстендә биетте. Ноябрь аенда  кар көртләре өеп куйды. Балаларга шул кирәктә. Рәхәтләнәләр кыш сыеннан: чаңгы-чана, тимераякта шуалар. Аларга карап: “Кая китте балачагым!” дип куясың.  Ә безнең укучыларыбызның әти-әниләре һәм укытучылар уфтанып ятмыйлар, балалар белән бергә мәктәп каршында мәш килеп кар сыны ясыйлар. Күмәк эшләнгән эштән бик матур сыннар калкып чыга. Халык белеп әйтә: “Бердәмлеккә – көч ”.