Мул уңышны җыеп алгач, ел саен бәйрәм оештырып билгеләп узуны алар матур гадәткә керткәннәр. Бишенчедән алып тугызынчыга кадәрге сыйныфлар чарага ныклап әзерләнделәр.  Һәм менә ул көн килеп тә җитте. Укучылар күңелле җырлар башкардылар, биеделәр, театральләштерелгән күренешләр күрсәттеләр. Укучылар көзге модалар тәкъдим иткәндә модельерлардан бер дә калышмадылар: үзенчәлекле, кабатланмас өс һәм аяк киемнәре, төз гәүдә, подиум буйлап тиешенчә атлап бару... Көзге балга һәркем үзе пешергән ризык, яшелчә алып килде. Алардан корылган нигъмәт тулы табындагы тәм-томнардан иптәшләре бүлештеләр, хис-кичерешләре белән уртаклаштылар һәм рәхәтләнеп дискотекада “яндырдылар”.