Федераль дәүләт белем бирү стандартларына күчү шартларында укытучы эшчәнлегенең нәтиҗәле юнәлешләреннән берсе булып проектлар методы санала. Бу метод укучыларның өйрәнгән белемнәрен гамәли куллана белүләренә, мәгълүмати тирәлектә ориентлашу осталыкларына, иҗади фикерләү сәләтләренә нигезләнә. Мәктәбебезнең башлангыч сыйныф укучылары иҗади проектлар эшләргә бик яраталар. Алар Әниләр көненә багышлап “Минем гаиләм” темасына иҗади проект эшли башладылар. Әти-әниләре белән төшкән фотолары барлыйлар, гаилә истәлекләрен җыйныйлар, рәсемнәр ясыйлар, иншалар язалар. Проектның продукты  Әниләр көненә багышланган бәйрәм булачак.