Менә яз килде. Ул бөтен табигатьне йокыдан уятырга тели. Яз айлары керүгә, табигатьтәге үзгәрешләр көннән-көн күбрәк күренә. Апрель ае − язның аеруча кайнап торган чагы. Хәзер инде кар кара төстә, көннән-көн кими.  Елгада бозлар кузгалды.  Зур-зур бозларның агып киткәнен карап торуы нинди күңелле! Кояш иртәрәк карый торган яр буйларында  сап-сары тузганаклар да күренә башлады. Җир йокыдан уяна. Җылы яклардан, туган якларын сагынып кыр казлары кайта. Менә шушы матурлыкны үз күзләребез белән күрү өчен без, башлангыч класс укучылары, экскурсиягә чыктык. Авыл янындагы плотинаны, андагы кыр үрдәкләрен, челәннәрне, беренче чәчәкләрне күзәттек. Экскурсиядә алган тәэсирләребезне мәктәптә  иптәшләребез белән дә бүлештек. Табигатьне күзәтү  безгә бик ошады.