Яз җитүгә бар табигать уяна, җанлана башлый. Шул исәптән безнең канатлы дусларыбыз да җылы яклардан, үз туган илләренә очып кайта башлыйлар. Билгеле инде, аларның кайтуы безнең өчен дә зур куаныч. Шул уңайдан Сәрдәбаш башлангыч мәктәбендә кошлар кайту хөрмәтенә   “Кошлар – безнең канатлы дусларыбыз!”  дип исемләнгән бәйрәм кичәсе булды. Укучылар кошлар турында өйрәнгән шигырьләрен сөйләделәр, җырлар җырладылар. Бәйрәмнең икенче өлешендә  табышмаклар әйтешү, тизәйткечләр өйрәнү, кошлар турында кызыклы фактлар белән танышу, рәсеме буенча кошларны тану  һәм кошлар белән бәйле сынамышларны искә төшерү бик күңелле булды.