Билгеле булганча, “Нәүрүз” – яңа көн, яңа ел дигән мәгънәне аңлата. Кояш календаре буенча бу көнне Яңа ел башлана. Әлеге бәйрәм күп кенә төрки халыкларда – татарларда, әзәрбәйҗаннарда, казакъларда һ.б. бәйрәм ителә. Бу күркәм бәйрәм кешеләрне берләштерә, якынайта; аларны дус һәм тату яшәргә өнди. Шушы  максат белән без дә мәктәбебездә Нәүрүз бәйрәмен билгеләп үттек. Әлеге бәйрәмдә  төрле уеннар, җыр һәм биюләр башкарылды. Укучыларыбыз үзләренең оста чыгышлары белән бәйрәмне ямьгә күмделәр,  җыр, моң, уен-көлке яңгырап торды. Барыбыз бергә  кашыкка йомырка салып йөгерү, бау тартышу, һ.б.уеннарны рәхәтләнеп уйнадык. Соңыннан тәмле “Карга боткасы” белән сыйландык.