Кошлар – табигать могҗизасы. Әйтерсең лә, алар шатлык өләшү, соклану һәм күңелгә илаһи көч бирү өчен яратылган. Без канатлы дусларыбызны яратабыз. Алар – яшәешебез бизәге. Кошларның самими яңгыравык җыры, ачык төстәге каурыйлары табигатьне бизи, күңелгә сихәтлек, дәрт-дәрман өсти. Ә ниләр беләбез соң без кошлар турында? Шул турыда бүген башлангыч класс укучылары класс сәгате үткәрделәр. Алар безнең яктагы кошлар турында китаптан, интернеттан мәгълүмат алып килделәр һәм иптәшләре алдында чыгыш ясадылар.