Туган телләр һәм Халык бердәмлеге елына багышланган чаралар планы кысаларында безнең  мәктәбебездә авылдашыбыз, шагыйрә, язучылар берлеге әгъзасы Гөлчирә апа Нәҗметдинова белән очрашу булды. Чарада укучылар шагыйрәнең тормыш юлы, иҗаты белән таныштылар, яңа гына чыккан ,, Кара квадрат" исемле китабына кертелгән шигырьләрен сөйләделәр, Гөлчирә апа сүзләренә язылган җырлар тыңладылар. Гөлчирә апа укучыларны кызыксындырган сорауларга җавап бирде, үзенең иҗаты турында сөйләде, һәр чыгыш ясаучыга, чараны оештыручыларга үзенең яңа китабын бүләк итте. Очрашу бик җылы үтте.  Гөлчирә апага киләчәктә дә иҗади уңышлар теләп калабыз!