Бүген без мәктәбебезгә “Көзге бал” бәйрәменә җыйналдык.  Әлеге бәйрәмне оештыру  быел 9нчы сыйныф укучылары һәм аларның җитәкчеләре Габдрахманова Г.В.  йөкләнелгән иде. “InstaКӨЗ” дип аталган әлеге чарада алар   инстаграм социаль челтәрләренә күзәтү ясадылар, анда  алтын көзнең чагылышын, яшьләрне ул нәрсәләре белән җәлеп итүен ачыкларга тырыштылар. Бәйрәмдә 7-11 сыйныф укучылары катнашты. Кызыклы һәм мавыктыргыч итеп оештырылган әлеге чарада укучыларыбыз бергәләшеп уеннар уйнадылар, ярыштылар, үзләре төшергән клипларын, озвучкаларын, ТИК ТОК ларын тәкъдим иттеләр.  Ярыш бик җанлы һәм күңелле узды.Соңыннан җиңүчеләргә рәхмәт хатлары, бүләкләр тапшырылды.

  Әлеге чараны оештыручыларга һәм катнашучыларга рәхмәт белдерәбез, киләчәктә уңышлар теләп калабыз.