Бүген безнең җирлектә Татар конгрессы делегатлары кунак булды. Алар җирлекнең яшәү рәвеше белән таныштылар. Мәгариф, мәдәният учреждениеләренең эшен күзәттеләр. Мәктәптә аларны укучылар һәм укытучыларыбыз, техник хезмәткәрләр  махсус төзелгән программа буенча кунак иттеләр. Алар өчен түбәндәге мәйданчыклар тәкъдим ителде: әдәби мәйданчык, "Туган як" музее мәйданчыгы, туризм белән шөгыльләнүчеләр мәйданчыгы, кул эшләре күргәзмәсе мәйданчыгы, балалар бакчасы мәйданчыгы. Делегатларга мәктәп спорт мәйданчыгында оештырылган Сабантуй милли бәйрәменнән  күренешләр бик ошады. Көннең икенче яртысында кунаклар татар авылы өйләренә таралыштылар. Соңыннан  чишмә буендагы  матур җыенда катнаштылар. Чарадан булган хисләр белән уртаклашып, изге теләкләрен әйттеләр.Кунаклар һәм җирлектә яшәүчеләр тарафыннан әлеге чарада катнашкан һәр кешегә рәхмәт җиткерелде.