Бүген  дөнья халкы җир  йөзендә иң илтифатлы сүз – “Рәхмәт” көнен билгеләп уза.  Бу сүзне һәр милләт  үз телендә күп тапкырлар кабатлый:  “спасибо”,“grazie”,“danke”,“thankyou”,“merci”… Безнең Мөндеш башлангыч мәктәбендә дә бу көнне сыйныф сәгате Рәхмәт! ”дип әйтергә онытмагыз” дип аталды.“Рәхмәт әйтү ул- кешенең ярдәмен, шәфкатен игътибарсыз калдырмау дигән сүз. Чыннан да, телебездә “Рәхмәт”тән дә ешрак әйтелә торган абруйлы, дәрәҗәле сүз  юк. Аны әйтергә сәбәп чыккан  саен кабатлыйбыз. Бер  рәхмәт мең бәладән  коткарыр, диләр бит. Ул  сүзне  ишеткәч,  күңелләр күтәрелеп, җаннар рәхәтләнеп  китә. “Рәхмәт” ниндидер тылсымлы көчкә ия. “Рәхмәт”нең тәрбияви   көче зур. Сез дә үзегезгә яхшылык эшләгән кешеләргә рәхмәт әйтми калмагыз”, дигән мөрәҗать белән тәмамланды сыйныф сәгате.