Мәктәпләрдә балалар көтеп  алган кышкы каникуллар башланды. Һава торышы да матур, сәламәт кешегә  урамнан кайтып та керә  торган түгел.  Укучыларның  ялын файдалы итеп оештыру максатында, мәктәпләрдә төрле  чаралар оештырыла. Кичке вакытта мәктәп каршына куелган шугалакта балалар тавышыннан  тирә-як гөрләп  тора. Балалар белән бергә ата-аналар да бик теләп килә бирегә. 29 нчы декабрь көнне  барыбызны да   берләштергән   “Барыбыз да бозга” исемле спорт бәйрәме үткәрелде. Бозга басарга теләк  белдергән укучыларыбыз бик күп булды. Физкультура  укытучысы  Җәләлиев  И.И. әлеге  чараның  программасына  командалы  уеннар хәзерләгән иде.  Бәйрәм ике сәгать дәвам итте,  җиңүчеләр дә билгеләнде. Балалар әлеге чарадан зур тәэсирләр алып кайтып киттеләр.  

Мәктәп кабат укучыларны  5 нче январь көнне булачак чаңгы ярышына кабул итәргә әзер.