Акция "Загадки Тавриды".

Акция раздача открыток "Крымская весна".

Акция  "Крым и Россия - мы вместе".

Акция "Крым ближе, чем кажется".

Бүген "Мөһим әңгәмә" дә 4 а сыйныфы укучылары белән Кырым һәм Севастопольнең Россия составына керүгә 11 ел, Артек лагерына 100 ел тулу уңаеннан әңгәмә үткәрелде.

15 нче мартта Түбән Мәтәскә авылының яңартып төзелгән мәдәният йорты бинасында “Казанка” агрофирмасы призына көрәш ярышлары булып узды.

Чарада Арча муниципаль районы башлыгы Нуриев Илшат Гаптелфәрт улы,  Татарстан Республикасының Көрәш федерациясе җитәкчесе Таһиров Марсель Шәрифҗан улы,  Арча муниципаль районы авыл хуҗалыгы һәм азык-төлек идарәсе җитәкчесе  Хәбиров Айрат Фиркать улы, “Казанка” хуҗалыгы җитәкчесе Сабиров Айдар Фәрит улы,  Арча районы яшьләр  эшләре, спорт һәм туризм бүлеге җитәкчесе Мостафин Дилүс Фәрит улы, Иске Кырлай авылы җирлеге башлыгы  Лотфуллин Фәнил Фәнәвил улы,  “Арча” спорт мәктәбе директоры Хидиятуллин Фәнил Фәнис улы, Д.Г. Хәкимов исемендәге Түбән Мәтәскә мәктәбе директоры Гайнетдинов Илдар Борһан улы катнаштылар.

100 дән артык көрәшче көч сынашты. Түбән Мәтәскә мәктәбе укучылары командасы призлы 2 нче урын алып, грамота һәм кубок белән бүләкләнде.

Ярышның иганәчесе Айдар Фәритович һәркемне бушлай кайнар ризык белән сыйлады, ярышның җиңүчеләренә акчалата һәм истәлекле бүләкләр тапшырды.

Районыбызда, мәктәпләребездә киләчәк буынны төрле яклап үстерү өстендә зур эшләр алып барыла. Шуны күздә тотып, Арча балалар сәнгать мәктәбе коллективы укучыларыбызны борынгы татар музыка уен кораллары белән таныштырдылар һәм мастер-класс та үткәрделәр. Укучыларыбызга бик ошады. Зур рәхмәт!

“Туган тел сагында” акциясе кысаларында бүген тәнәфесләрдә укучылар татар халык уеннарын уйнадылар. Аның өчен катлаулы кагыйдәләр дә, кыйммәтле уен кораллары да кирәкми, бары тик теләк һәм җитезлек кенә кирәк. Җырлы-биюле, түгәрәкле уеннар балаларның зәвыгын арттыра, әхлакый һәм эстетик яктан тәрбияләүгә булыша. Милләтебезнең гореф-гадәтләре, йолалары, тормыш-көнкүреше чагылыш тапкан татар халык уеннары укучыларда үз көченә ышану, бердәмлек, ярдәмләшү, кешелеклелек, шәфкатьлелек кебек күркәм сыйфатлар тәрбияли.

Сегодня на занятии "Россия - мои горизонты" учащиеся познакомились с профессиями связанными с программированием и телекоммуникациями. Заниятие получилось интересным и насыщенным.

Хөрмәтле хезмәттәшебез Йосыпова Роза Кыяметдин кызын 55 яшьлек юбилее белән котлыйбыз!
Сез озак еллар  мәктәбебездә армый-талмый хезмәт куясыз, балалар күңеленә яхшылык орлыклары сибүче булдыгыз, акны карадан, яхшыны яманнан аерырга өйрәтәсез. Матур юбилеегыз белән тәбрикләп, Сезгә саулык-сәламәтлек, тән сихәтлеге, озын гомер, шатлык, бәхет һәм күңелдәге илаһи нур тамчысы телибез. Киләчәктә тормыш иптәшегез белән тигезлектә, балаларыгыз, оныкларыгыздан игелек, шәфкать күреп, тормышка сөенеп яшәргә язсын. Һәрвакытта да шат, көләч йөзле, изге күңелле булып калыгыз.
Сезгә булган безнең хөрмәтебез
Урын алсын йөрәк түрендә.
Шатлык-куанычлар, ак бәхетләр
Юлдаш булсын гомер-гомергә.
Тулы тормыш белән яшисез Сез,
Нәтиҗәсе мәгьлүм һәркемгә.
Киләчәктә саулык-сәламәтлек
Бирсен Ходай Сезгә һәр көндә.