Бүген Арча Укучылар сараенда "Иң яхшы шашист - 2023" шашка ярышларының 2 нче этабы узды. Ярышта мәктәбебез укучылары уңышлы чыгыш ясадылар: 1 класс укучысы Ибрагимова Диләрә, 2 класс укучысы Шакиров Инсаф - 2 нче урын; 7 класс укучылары Галимуллина Ландыш, Нигъматуллина Таңсылу , 9 класс укучысы Шакирова Алсу - 3 нче урын; 5 класс укучылары Закирова Илузә , Шакиров Булат - 4 нче урын; 1 класс укучысы Нигъматуллин Артур - 6 урын. Командага - 2 урын. Укучыларыбызны уңышлары белән котлыйбыз! Молодцы!

9 класс укучылары математика, биология, технология, әдәбият, физкультура, информатика, инглиз теле, тарих фәннәреннән индивидуаль проектларын якладылар.

Бүген, 4 нче класста рус теленнән Бөтенроссия тикшерү эшләре башланды. Уңышлар телибез!

21 март - Бөтендөнья урман көне. Шул уңайдан 5 класс укучылары белән "Урман - табигать байлыгы" темасы буенча биология укытучысы Шакирова К. Д. класстан тыш чара үткәрде. Укучылар урманның әһәмиятен ачыкладылар. Яз көне һәр укучы берәр агач утырырга килештеләр.

День матери или Материнское воскресенье проводится в Великобритании во время Великого поста (4-ое воскресенье от начала). Это обычно приходится на вторую половину марта или начало апреля. Учащиеся объединения "В мире английского языка" говорили об истории этого праздника, познакомились с тем, как он проходит в Соединённом Королевстве в настоящее время. А также они поздравили своих мам с этим теплым, весенним праздником. (Руководитель объединения Шакирова И.М.)

Биология атналыгы кыссаларында 7 класс укучылары Исмагилова Адилә, Галимзянов Илназ, Нигъматуллина Таңсылу 4 класс укучылары каршында чыгыш ясадылар. Алар безнең якта кышлаучы кошлар турында сөйләделәр һәм үзләренең тикшеренү эшләре белән таныштырдылар. Укучылар күп кенә кирәкле мәгълүмат алдылар.

18 марта - День воссоединения Севастополя и Крыма с Россией. Это событие, имеет огромное значение для исторической справедливости. Учительница истории Шигапова Г.Х. познакомила, как разворачивались события девять лет назад и как в республике празднуют возвращение к истокам.

  Табигатьне саклау - һәркемнең изге бурычы. Табигатькә, аның байлыкларына сакчыл караш кече яшьтән үк башланырга тиеш. Мәктәбебездә бу эш даими алып барыла. Класс сәгатьләре, төрле класстан тыш чаралар, проект эшләре даими рәвештә экологик тәрбия бирүгә хезмәт итәләр.
  17 нче март конне мәктәпкә Татарстан Республикасының Биологик ресурслар буенча дәүләт комитеты "Ашыт" дәүләт табигый тыюлыгы белгече Абдрахманова Гөлнара Ильяс кызы, Татарстан Республикасы экология һәм табигый ресурслар министрлыгының Төньяк территориаль идарәсе белгече Шаймуллина Алия Ринат кызы килделәр. Район экологлары белән уртак чаралар уздыру – мәктәпнең күпъеллык матур традицияләренең берсе булып тора. Экологик чарада башлангыч сыйныф укучылары табигатьне саклау турындагы белемнәрен төрле ракурсларда ачып күрсәттеләр. Беренче сыйныф укучылары “Табигать яхшылык белән җавап бирә” дигән исемле мини спектакль белән чыгыш ясадылар. Кечкенә булуларына карамастан, сәхнә культурасын үзләштерүләре, оста итеп уйнаулары белән килгән кунакларны шаккаттырдылар. Икенче сыйныф укучылары кошлар темасына эшләгән проектларын тәкъдим иттеләр. Кыш буе мәктәп каршына эленгән җимлекләрдә кошларны ашатучы, аларны күзәтүче балаларның чыгышы бик кызыклы булды. 3-4 нче класс укучылары кошлар белән бәйле сынамыш һәм мәкаль-әйтемнәрне  әйтеп, телләрен чарладылар, татар теленең бай мирасы белән иптәшләрен таныштырдылар.
   Югарыда саналган  чаралар укучыларның экологик культурасын, экологик үзаңын үстерүгә зур этәргеч  булды. Дөрестән дә, традицион  булган классларда дәрес бирү системасы экологик белем һәм тәрбия бирүне колачлап бетерә алмый. Экологик тәрбия эше  комплекслы рәвештә алып барылырга, үз эченә күп төрле форма һәм алымнарны кертергә тиеш. Бүген мәктәбебездә шуның матур мисаллары тормышка ашырылды.

Биология укытучылары Шакирова К. Д., Мифтахова Г.Г. 7 класста «Кошларның гаҗәеп дөньясы» дигән темага класстан тыш чара үткәрделәр. Чарада «Ашыт» дәүләт тыюлыгыннан Абдрахманова Г.И., Әхмәтҗанов Р.З катнаштылар. Укучылар викторина сорауларына җавап эзләделәр, кошлар турында өстәмә мәгълүмат алдылар.

Ученики 5 класса выполняют задания ВПР по истории.