Бүген лагеребызның тугызынчы көнендә, иртәнге зарядкадан соң "Акыллылар һәм зирәкләр" турниры уздырылды. Балалар төрле өлкәдә үзләрен сынадылар, ребуслар чиштеләр. Көндезге аштан соң, "Шәвәли хикмәтләре" дип аталган эстафета-ярыш оештырылды. Ялларыбыз файдалы һәм күңелле уза.

Мәктәп яны сәламәтләндерү лагереның сигезенче көне театр көне буларак үтте. Иртәнге зарядкадан соң балалар К.Тиңчурин артистлары тарафыннан "Тылсымлы арена" музыкаль әкиятен кызыксынып карады.Тамаша балаларга бик ошады.

Мәктәп яны сәламәтләндерү лагереның җиденче көне Сәламәтлек һәм профилактик чаралар көне буларак үтте. Атна дәвамында укучыларда начар гадәтләргә тискәре мөнәсәбәт формалаштыру, сәламәт яшәү рәвеше тәрбияләү максатыннан, "Начар гадәтләрне булдырмыйк!" акциясе уздырылды. Иртәнге аштан соң начар гадәтләрне тасвирлаган мультфильмнар карадык, спорт ярышлары оештырдык.Төшке аштан соң төркемнәр арасында әңгәмәләр, рәсем конкурсы, флешмоб оештырылды.

Шестой день - в сказочной атмосфере 6 июня, в день рождения великого русского поэта А. С. Пушкина, в пришкольном оздоровительном лагере «Дуслык» прошел «День русского языка. Пушкинский день». Да и как можно не любить творчество Александра Сергеевича Пушкина: сказки, поэмы, рассказы. Дети с удовольствием участвовали в викторине "Знаешь ли ты русский язык?'. День прошел незаметно, насыщенно, увлекательно

Мәктәп яны сәламәтләндерү лагерының бишенче көне "Әкиятләр илендә" дип аталды. Балалар үзләре әкиятләр уйлап чыгардылар, рәсемнәр ясадылар. Төшке аштан соң әкияти уеннар, шашка уйнадылар.

Бүген лагерьда Экологлар көне. Балаларда табигатькә карата сакчыл караш, табигатьтә сезонлы үзгәрешләрне күрә белергә, барлык тере табигатьтә үзара бәйләнешне аңларга өйрәтү һәм экологик тәрбия нигезләрен үстерү максатыннан экскурсия оештырылды. Укучылар җәйге табигатьне күзәттеләр, тырыша-тырыша табышмакларга җаваплар эзләделәр. Туклыклы аштан соң балалар табигать кочагында төрле уеннар уйнап күңел ачтылар. Хәтта футбол капкасының челтәренә уралган керпене дә коткардылар.Көн бик файдалы үтте.

Бүген мәктәп яны сәламәтләндерү лагеренда бәйрәм – Лагерь ачылу тантанасы булып узды.  Төркемнәр үзләренең исемнәре, сөрәннәре белән таныштырдылар. Укучылар үзләренең чыгышларын тәкъдим иттеләр: җырладылар да, биеделәр дә. Лагерьның өченче көне дә файдалы һәм күңелле узып китте.

Лагерьның икенче көне күңелле генә башланып китте. Музыка астында иртәнге зарядка ясадылар, яңа көнгә көч тупладылар. Иртәнге тәмле аштан соң, балалар барысы да, шау килеп, лагерьның ачылу тантанасына әзерләнделәр, отряд почмаклары булдырдылар. Саф һавада хәрәкәтле уеннар уйнарга да вакыт таптылар.

1 июнь - Балаларны яклау көнендә Арча шәһәре "Җиңү паркы" нда "Мин бит Арча баласы" проектында җиңүчеләрне билгеләү тантанасы булды. Мәктәбебез укучысы Гайфуллина Рузия "Тарих мизгелләре" номинациясендә беренче урынга лаек булып, Грамота һәм истәлекле бүләк белән бүләкләнде. Котлыйбыз!

Көтеп алган җәй җитте. Укучылар өчен мәктәбебез ишекләре яңадан ачылды.1 июньнән биредә мәктәп яны сәламәтләндерү лагере оешты. Лагерьда көндез эшли торган 2 отряд тупланды. Балалар өчен барысы да уйланылган: көн саен бәйрәм, викториналар, спорт ярышлары, эстафеталар, балаларның иминлеген саклау буенча әңгәмәләр планлаштырыла; ашханәдә тәмле иртәнге һәм төшке ашлар көтә. Бөтен тәрбия эше балаларның күңелен ачу һәм аларны сәламәтләндерүгә юнәлдерелгән. Бүген лагерьда Балаларны яклау көненә багышланган онытылмаслык чаралар үтте. Укучыларның иң теләп катнашканы - асфальтка рәсемнәр ясау булды. Мәктәп яны сәламәтләндерү лагерендагы балаларның барысына да ял вакытын бик күңелле уздыруларын телибез!