Бүген Арча шәһәрендә яшьләр форумы булып узды.Бу форумда педагог-оештыручы Шәрәфетдинова Г.Н.җитәкчелегендә мәктәбебезнең дүрт актив волонтеры катнашты.

2 март көнне 8 класста ТИН фәне буенча ачык дәрес булып узды.Укытучыбыз Шамиль Садыкович укучыларны коллектив һәм шәхси саклану чаралары белән таныштырды,куркыныч туганда ничек саклану серләренә төшендерде.

1 март көнне укытучылар коллективы,9 класс укучылары һәм аларның әти-әниләре катнашында имтиханнарга хәзерлек мәсьәләләре буенча түгәрәк өстәл артында ачык сөйләшү уткәрелде.

Бүген татар теле һәм әдәбияты укытучысы Зарипова М.Р. 5 нче класста "Фонетика, орфоэпия, графика, орфография темалары буенча проект яклау" дигән темага ачык дәрес үткәрде.

Туган тел көне уңаеннан мәктәбебездә мөхтәрәм кунаклар- тәрҗемәче, күренекле язучыбыз Мөхәммәт Мәхдиевның кызы, Гәүхәрия Хасанова һәм журналист Эльмира Сираҗиева белән матур очрашу узды.

Бүген мәктәбебездә Совет гаскәрләренең Әфганстан җиреннән чыгарылуларына 30 ел тулу уңаеннан мәктәбебезне тәмамлаган әфганчылар белән очрашу булды. Очрашуга Фәйзиев Камил, Ахмадуллин Фаяз, Кавиев Фердинанд, Сабиров Данаил, Хөснетдинов Әмир килделэр.