Мамадышта Республика беренчелегенә "Сабантуй" журналы призына узган көрәштә үз үлчәмендә 8 класс укучысы Хайретдинов Ранил 3 нче урынны яулады. Тренеры Саляхов М.Р. Егетләрне уңышлары белән котлыйбыз!

Выписка из Порядка приема и регистрации заявлений на прохождение государственной итоговой аттестации по образовательным программам основного общего образования в Республике Татарстан в 2020 году

Г.Тукай исемендәге Яңа Кырлай урта гомуми белем мәктәбе үзенең элеккеге укучыларны белән очрашуларны еш оештыра. Һәр төбәк үзенең күренекле хезмәт һәм яу батырлары, сәнгать әһелләре, галимнәре һәм башка төрле һөнәр ияләре белән горурлана ала. Г.Тукай исемендәге Яңа Кырлай урта гомуми белем мәктәбе исә андый абруйлы шәхесләрнең мул булуы белән элек-электән аерылып тора. 17 нче февраль көнне мәктәбебездә элеккеге укучыларыбыз Татарстаннын атказанган артисткасы, Татарстанның халык артисткасы Раушания Фәйзуллина, Татарстаннын атказанган артисткасы Фәймә Бикмуратова- Павлова һәм үзешчән артисткабыз Муллахмәтова Гөлчәчәкләр белән бик матур очрашу кичәсе булып узды. Бәйрәм 2019- Театр елын йомгаклау уңаеннан оештырылды. Очрашу кичәсе күтәренке күңел, бәйрәм рухында узды. Бәйрәм кунакларның һәм укытучыларның чыгышлары, котлау-истәлекләре, укучыларның һәм педагогларның матур җыр-биюләре белән үрелеп барды. 6 нчы сыйныф укучылары үзләренең спектакльләрен дә бүләк иттеләр. Арча районы мәдәният йортыннан, Арча Әдәбият һәм сәнгать музееннан да кунакларыбызны котларга килделәр. Кунаклар да бүләксез кайтмаган, без дә мәктәп тарафыннан әзерләнгән истәлекле бүләкләребезне тапшырдык. Арча районының Г.Тукай исемендәге Яңа Кырлай мәктәбендә уздырылган бу очрашу бәйрәме һәркемнең күңелендә, нәфис хисләр уятып, озак сакланырлык якты истәлек булып калыр, чарада катнашкан күркәм затлар әле мәктәп парталарында утырган балаларга, үсмер егетләр һәм кызларга халкыбызның лаеклы шәхесләре булып тәрбияләнүләре өчен якты үрнәк булыр.

9 классларда математика фәне буенча сынау имтиханы булды.Укучылар белемнәрен барладылар.