Бүген Арча муниципаль районы беренчелегенә узган көрәш бәйгесендә 8 класс укучылары Нуруллин И. - 1 нче, Зыятов Н. – 2 нче, 7 класс укучылары Егоров Д., Хасанов Д. – 3 нче, Ваккасов Х. – 4 нче урыннарны яуладылар. Командага – 2 нче урын бирелде. Тренерлары Саляхов М.Р. Егетләребезне уңышлары белән котлыйбыз!

Татар теле һәм әдәбияты укытучысы Ахметгалиева Э.А. “Татарстанда туган телләр һәм халыкдар бердәмлеге елы” уңаеннан 8 классларда “Укучыларда милли гореф-гадәт рухы тәрбияләү алымнары” дип исемләнгән тәрбия сәгате уздырды. Укучылар белән татар халкының гореф-гадәтләрен, йолаларын барладылар. Аларның бүгенге көндәге торышын һәм тәрбияви ролен ачыкладылар.

Әтнә районында тренер-көрәшче Сафаров Рәдиф Рәзит улы истәлегенә уздырылган ачык көрәш бәйгесендә 9 класс укучысы Хайретдинов Р. үз үлчәмендә - 1 нче урынны яулады. Тренеры Саляхов М.Р. Егетләребезне җиңүләре белән котлыйбыз!

Туберкулёз - инфекцион авыру. Сәламәтлегеңне бүгеннән кайгырту зарур: дөрес туклану, саф һава, кояш, көндәлек режим булдыру , вакытында ясалган прививкалар - барысы да төп саклану чаралары булып тора. 5 нче сыйныфта уздырылган тәрбия сәгатендә авыруның сәбәпләре, симптомнары, аны булдырмау чаралары турында Гайфуллина Л.Х. сүз алып барды.

1-апрель "Кошлар көне" уңаеннан 5 класс укучылары белән биология укытучысы Шакирова К. Д. "Канатлы башваткыч" үткәрде. Укучылар кызыклы сорауларга жавап бирделәр, кошлар турындагы белемнәрен баеттылар.

Мифтахова Г.Г. 7 класста "1 апрель - Халыкара кошлар көне"нэ багышланган «Кошлар - безнең дусларыбыз» дигән темага класстан тыш чара үткәрде.