Бүген химия фәне олимпиадасының мәктәп туры узды. Ул Сириус платформасында үтә.

Безнең мәктәп укытучылары, хезмәткәрләре һәм укучылары «Zа наших! " хәйрия акциясендә актив катнаштылар.Махсус хәрби операциядә катнашкан хәрбиләргә гуманитар ярдәм җыюда катнашкан һәркемгә зур рәхмәт белдерәбез.

1 сыйныф укучыларыбыз белән юл йөрү кагыйдәләре буенча алган белемнәрне ныгыту һәм юл-транспорт һәлакәтендә һәлак булганнарны искә алу максатыннан чара үткәрелде. Анда Арча районы ЮХИДИ бүлегенең профилактика буенча Җитәкчесе Мухаметзянова Энҗе Газизовна да катнашты. 
Чара барышында беренчеләр “Юлда булсаң, бул өлгер, юл кагыйдәсен нык бел!” дигән тема астында чыгыш ясадылар.Чарада әти-әниләр дә чыгыш ясады. Гайнуллина Зөһрә "Юхиди хезмәткәре", Зиатдинова Райхана "Кагыйдә бозучы" буларак катнаштылар. Чараның максаты булып,  балаларның юл билгеләрен аера белүне, юлда хәвефсезлек кагыйдәләрен өйрәтүне дәвам итү, юлларда күзәтүчәнлекне, игътибарлылыкны, мөстәкыйль фикерләүне үстерү, урамда, җәмәгать транспортында үз-үзеңне тоту культурасы тәрбияләү иде.

2 октябрьдә 1-11 сыйныфларда «Мөһим нәрсәләр турында сөйләшүләр"циклы дәресе узды.Дәрес "Укытучылар көне" дип аталды.
Укытучының мөһим роле турында сөйләштеләр.

Бүген мәктәптә беренче совет рәисе вазифасына кандидатлар дебаты узды. Безнең мәктәптә барлыгы 3 кандидат: Хөсәенова Айзилә (10 сыйныф) ,Корейкин Диана (9 нчы сыйныф) ,Гайфуллина Гөлсем (9 нчы сыйныф). Кандидатлар сайлаучыларны үзләре белән таныштырдылар, ни өчен нәкъ менә алар өчен тавыш бирергә кирәк дигән сорауга җавап бирделәр. Тавыш бирү 12 октябрьдә 8-11 сыйныф укучылары арасында узачак.

Безнең мәктәп укучылары җиңел атлетика буенча район ярышларында катнаштылар. 8 сыйныф укучысы Хәбибуллин Райхан беренче урынны алды. Укытучы Хәйруллин З. Т..Аларны чын күңелдән котлыйбыз

2 октябрьдә Арча мәдәният йортында безнең мәктәп укучысы Гайфуллина Гөлсем "Беренчеләр хәрәкәте"нә кабул ителде.

Бүген, 2 сентябрьдә, мәктәптә ата-аналар җыелышы узды. Гомуми мәктәп ата-аналар җыелышында мәктәп директоры Зарипов Х.Х. чыгыш ясады. 2023-2024 еллардагы белем сыйфаты турында сөйләде, мәктәп эшенә анализ үткәрде. Мәктәп администрациясе төп уку моментларына тукталды. Класс җыелышларында ата-аналар фикер алышу өчен берничә сорау әзерләделәр. Җыелыш барышында яңгыраган тәкъдимнәр яңа уку елында исәпкә алыначак һәм гамәлгә ашырылачак  .

Бүген укучылар рус әдәбиятыннан олимпиаданың мәктәп турын эшләделәр.

Яңа Кенәр урта мәктәбендә "Өлкәннәр көне" уңаеннан ветеран укытучыларны кунакка чакырдылар.Аларга матур бәйрәм концерты күрсәттеләр.Концерттан соң ветераннарны чәй табынына чакырдылар.