12 май көнне 6,7,8 класс укучылары Республика  күләм контроль эш эшләделәр.

Яңа Кенәр мәктәбенең туган якны өйрәнү музее Арча шәһәрендә Бөек Җиңүнең 72 еллыгына багышланган митингта катнашты.

Бүген Сөрде мәдәният йортында Бөек Җиңүнең 72еллыгына багышланган тантаналы бәйрәм кичәсе үтте. Кичәдә Сөрде башлангыч мәктәбе укучылары, Яңа Кенәр урта мәктәбе укучылары, балалар бакчасы һәм мәдәният хезмәткәрләре, авыл үзешчәннәре чыгыш ясады. Күкләребез аяз, илләребез тыныч, тормышыбыз имин булсын!

8 нче май көнне Яңа Ашыт авылында һәйкәлгә венок куелды, тыл ветераннарын өйләренә барып бәйрәм белән котладык.

Бүген Югары Оры авылында Бөек Җиңүнең 72 еллыгына багышланган митинг үтте.Митингта авылның өлкәннәре,Яңа Кенәр мәктәбе укучыларыЮгары Оры башлангыч мәктәп укучылары катнашты.Сугыш кырларыннан кайтмаган авылдашларны бер минутлык тынлык белн искә алдылар,һәйкәлгә веноклар салдылар.

Бүген Яңа Кенәр авылында Бөек Җиңүнең 72 еллыгына багышланган митинг үтте.Митингта Яңа Кенәр мәктәбе укучылары һәм укытучылары коллективы катнашты.Бөйрәм тантанасына килгән ветераннар саны елдан ел сирәгәя.Сугыш кырында ятып калганнарны бер минутлык тынлык белән искә алдылар,һәйкәлгә веноклар салдылар.

6 нчы май көнне Кзыл-Яр авылы һәйкәле янында "Җинү китергән яз" дип исемләнгән әдәби-музыкаль кичә булып узды. Көн суык булуга карамастан, халык Җинү көнен билгеләп үтәргә киләэн. Кзыл-Яр башлангыч мәктәбе укучылары сугыш алды, сугыш башлану һәм тәмамлану куренешләрен сәхнәләштереп күрсәттеләр. Сугыш чоры һәм сугыш арты балалары үзләренең шул вакыттагы тормышлары турында сөйләделәр.Бәйрәмнән илебез күге гел аяз,тормышларыбыз имин, илләребез тыныч булсын дигән теләктә таралдык .

Сөрде башлангыч мәктәбендә тирә-якны чистарту дәвам итә. Бүген кура бакчасын чистарта башладык.

Сөрде башлангыч мәктәбе укучылары чишмә тирәсен чистарттылар .Эчәр суларыбыз саф, әйләнә-тирәбез чиста булсын. Табигатебезне саклыйк һәм яклыйк!