“Мөһим нәрсәләр турында сөйләшүләр” дәресләре кысаларында “Экранның икенче ягында. Россиядә кинога 115 ел” дигән темага 2-9 нчы сыйныфларда сәгатьләре үткәрелде. Класс сәгатенең төп максатлары: укучыларны Ватан кинематографы тарихы һәм илебездә төшерелгән данлыклы фильмнар белән таныштыру; илебез мәдәнияте, туган илебез киносы, аның бөек тарихын тудырган кешеләргә хөрмәт тәрбияләү, кино индустриясе белән бәйле һөнәрләр турында күзаллау булдыру. Класс сәгатендә укучылар белән кино турында сөйләштек, интерактив уеннар үткәрдек.

     Бүген мәктәбебезнең укучылар һәм укытучылар коллективы “Татарча диктант – 2023” бөтендөнья акциясендә катнашып диктант язды. Милли орнаментлы калфак һәм

түбәтәйләр кигән егетләр һәм кызлар, укытучылар, тәрбиячеләр әлеге акциядә бик теләп катнаштылар.

Мәктәбебезнең "SMS- балаллар" оешмасы "Елмаюың белән     бүлеш" акциясе уздырды.Балалар елмаюы көзге көнне яктыртып    җибәрде,сәламәт яшәү рәвеше алып барырга чакырды.

 Бүген “Мөһим әңгәмә” вакытында , укучылар белән класс коллективындагы мөнәсәбәтләр турында сөйләшенде. Алар психолог киңәшләрен тыңладылар, нәтиҗә ясадылар.

    Мәктәбебезнең "Хыял"театр түгәрәгендә шөгыльләнүчеләр күренекле драматург Рабит Батулланың "Албасты"пьесасы буенча спектакль куйдылар.Әсәрдә әйтелгәнчә, табигать, аның матурлыгын саклау- һәркемнең изге бурычы.Укучылар, укытучылар яшь артистлар чыгышын алкышларга күмделәр,иҗади уңышлар теләделәр.

    9 нчы сыйныф укучылары талантлы режиссер Байбулат Батулланың "Ядәч!"Истә!"дип исемләнгән татарча фильмын карап кайттылар.Авылдагы әби-бабасында яшәүче Илһамның тормышы аша авылдагы барлык проблемаларны,заманча тормышның барлык нечкәлекләрен яктырткан фильм укучылар күңеленә хуш килде.

     Октябрьнең бише көнне, ел саен илебездә Укытучылар көне билгеләп үтелә. Әлеге күркәм бәйрәм белән хөрмәтле мөгәллимнәребезне чын күңелдән котлыйбыз. Шул уңайдан бүген мәктәбебездә  остазларыбызны котлап, укучылар бәйрәм оештырдылар. 
 

04.10.2023 ученики 5-6 ых классов нашей школы приняли участие в мероприятии Онлайн-урок "Личный финансовый план. Путь к достижению цели"

организованный Банком России. Организатор мероприятия в школе : Кашшапов Фаниль Халилович.

Октябрьнең беренче көне бик матур дата - Өлкәннәр көне белән истәлекле. Бу көнне өлкән буынны, мәктәбебездә бик күп еллар балаларга белем һәм тәрбия биргән укытучыларыбызны, техперсоналларны бәйрәм белән котладык.

Һәр сыйныфта “Мөһим сөйләшүләр” проекты кысаларында “ Укытучылар көне” темасына танып белү әңгәмәсе үткәрелде.