Максат: Уен площадкасында хәрефле һәм санлы кубиклар белән уйнау. Балаларны саннарны һәм хәрефләрне аерырга өйрәтү. Иптәшләренә карата игътибарлылык тәрбияләү.

Кызларыбыз "Көз бәйрәменә" кулчатырлар белән бик матур бию өйрәнәләр. Биюне аларга музыка җитәкчесе Лилия апалары өйрәтә. Максат: шушы бию аша, кызларның осталыкларын, нәфислеген күрсәтү, балаларның көйгә дөрес итеп хәрәкәтләр ясауларына ирешү.

Уеннар, тәрбия чарасы буларак, баланың шәхес булып формалашуына зур йогынты ясый, психик үсешенә ярдәм итә. Алай гына да түгел, алар нәниләрдә дуслык, иптәшлек, гаделлек, зирәклек кебек сыйфатлар да тәрбияли. Уеннар ярдәмендә бала тырыш, көчле, сәләтле, нык ихтыярлы булып үсә.

1 нче кечкенәләр төркеме балаларының конструктор белән уйнаулары. Максат: балаларның мөстәкыйль рәвештә конструктор төзүләре; аларның уйлау сәләтләрен үстерү; бер-берсе белән дустанә мөнәсәбәттә, уенчыкларын бүлешеп уйнауларына ирешү.

Балалар белән түтәлдән кишерләр җыйдык. Максат: балаларны күмәк хезмәткә тарту; бер-берләренә, олыларга ярдәм итәргә өйрәтү; бакчада үстергән яшелчәләрең файдасы турында әңгәмә үткәрү.

Мәктәпкә әзерлек төркеме белән рус теле шөгыленнән эш дәфтәрләрендә эшләү. Максат: балаларга биремне дөрес эшләргә өйрәтү. Аларның уйлау сәләтләрен, фикер йөртү дәрәҗәләрен тикшерү. Төсләрне ике телдә дә дөрес итеп әйтә белүләренә ирешү.

Кечкенәләр төркеме белән рәсем ясау. Максат: Балаларга карандашны дөрес тотарга өйрәтү. Рәсемне дөрес төсләр кулланып, пөхтә, матур итеп буяуларына ирешү. Шушы шөгыль аша балаларда матурлыкны күрә белергә өйрәтү, рәсем сәнгатенә мәхәббәт тәрбияләү.

Балалар белән уен площадкасында уйнау. Чиратлашып таудан шуу. Максат: балаларда бер-берләренә карата игътибарлы, ярдәмчел булуларын ныгыту. Саф һавада уйнап, балаларның сәламәтлекләрен ныгыту.