Балалар бакчасына беренче тапкыр килгән балага бакча тәртипләренә, көндәлек режимга, башкача аралашуга ияләшү башта авыр бирелә. Бу бала өчен бүтән дөньяга керү кебек була. Бигрәк тә балага  әти-әнисеннән аерылып калу бик авыр, ул елый, борчыла. Бу ияләшү чоры ай буена да  сузылырга мөмкин. Кайбер  балалар адаптация чорын  тиз вакытта да үтәргә мөмкин. Бу балаланың яше, сәламәтлеге, акыл , физик үсеше, яшәү мөхите белән дә бәйле Бу чорда тәрбиячеләргә, әти-әниләргә нык сабырлык кирәк. Адаптация чорында әти-әниләргә  файдалы киңәшләр бирәбез. Бердәм булып эшләгәндә генә бу чор уңайлы уза,  экренләп  бакча тәртипләренә ияләшү бара. 

   Менә кояшлы беренче сентябрь иртәсе  безне кабат Купербаш балалар бакчасына җыйды. Балалар  матур итеп киенеп, шатланып әти-әниләре белән балалар бакчасына килделәр. Яңа уку елы һәркемгә шатлык-сөенечләр, яхшы билгеләр, яхшы дуслар һәм яхшы тәрбия бирсен! 

  Хөрмәтле тәрбиячеләр, укытучылар, әти-әниләр, кадерле балалар, барыгызны да 1 сентябрь - Белем көне белән котлыйбыз! Эшегездә, укуыгызда,  тормышыгызда уңышлар, сәламәтлек, яхшы кәеф телибез. Бәйрәм белән сезне, дуслар!