29 ноябрь - Татарстан байрагы көне.

Җилфер -җилфер итә байрагыбыз

Ниләр сөйли соң ул җилләргә?-

Көрәшүче татар халкыннан ул

Сәлам әйтә азат илләргә.

Өч төс балкый безнең бу байракта:

Ак төс -- безнең намус төсебез,

Яшел төс - безнең яшәү төсе,

Кызылында чагыла көчебез.

                         Фәнис Яруллин.

 Ана - бала өчен иң кирәкле кеше. Ул баласын яклый, саклый, ярдәм итә, аңа назын һәм йөрәк җылысын бирә. 

 Безнең балалар бакчасында "Әнием кадерлем!" дигән бәйрәм иртәсе булып узды. Балалар әниләренә багышлап матур җырлар, биюләр, шигырьләр сөйләделәр. Кадерле әниләрне, дәү әниләрне бәйрәм белән котладылар, үзләре ясаган открыткаларын бүләк иттеләр. Әниләр дә конкурс уеннарында актив катнаштылар.Чарадан Әниләр аралашып, иҗади көч алып, күтәренке кәефтә таралыштылар. Әниләргә дан җырлый торган шундый бәйрәмнең булуы бик күңелле. 

Кадерле Әниләребез, Әбиләребез!

Сезне Әниләр көне бәйрәме белән ихлас котлыйбыз. Сезгә сәламәтлек, гаилә бәхете, тыныч тормыш, балаларыгызнын уңышларына сөенеп, игелекләрен күреп яшәвегезне телибез.

Йөрәгемнең иң түрендә 

Иң кадерлем - әнием.

Яхшылыкта, матурлыкта

Үрнәк миңа әнием.