Уеннарның төп максаты-тактиль кабул итүне, вак моториканы үстерү, предметларны һәм материалларны фактура буенча танып белү, шулай ук сөйләмне активлаштыру.

Иҗат остаханәсе:"Бала белән күбәләк" шигыре буенча рәсем ясадык. 
 Балалар бик кызыксынып иҗат һәм фантазия дөньясына чумдылар.
Әкияттән илһам һәр балага килде. Балалар бала һәм күбәләк дуслыгы турындагы хикәяне рәхәтләнеп тыңладылар, аннары үз тәэсирләрен рәсем аша җиткерергә булдылар. 

Безнең балалар бакчасында әкияти көн: Габдулла Тукай әкиятләре буенча сәяхәт»дигән тылсымлы көн узды! Без балаларны, бөек шагыйрьнең иҗаты белән якыннанрак таныштыру өчен, татар әкиятләре дөньясы буйлап мавыктыргыч сәяхәткә чакырдык. Мондый көннең максаты-балаларның күңелен ачу гына түгел. Без аларда туган тел һәм мәдәният белән кызыксыну уятырга, әкиятләр аша мөһим нәрсәләрне аңларга ярдәм итәргә теләдек: дуслык, игелек, кыюлык нәрсә ул, табигатьне саклау һәм өлкәннәрне хөрмәт итү ни дәрәҗәдә мөһим. Чөнки Тукай әсәрләрендә тирән әхлакый сабаклар ята.