Тозлы камырдан әвәләп ясауга кызыксыну уяту. 

Кисеп-ябыштыру турындагы белемнәрен ныгыту,камилләштерү.

Максат:

• Балаларның әйберләрнең зурлыклары, геометрик фигуралар , саннар турында белемнәрен ныгыту.
• Тирә-юньдә ориентлашуны, тәүлек вакытларын әйтә белүне күнектерү.
• Төрле уеннар аша күңел ачу кичәсенә кызыксыну уяту, балаларны активлаштыру, күтәренке кәеф булдыру.

Көннең яктылыгы кояшта, күкнең бар матурлыгы йолдызларында, кешелекнең бөтен гүзәллеге хатын-кызларда. Рөхсәт итегез сезне, кешелекнең бизәге булган гүзәл затны, шушы искиткеч матур яз бәйрәме
- Халыкара хатын-кызлар көне белән тәбрик итәргә… Шушы гаҗәеп гүзәл бәйрәм көнендә елмаеп баккан кояштай һәрвакыт балкып яшәгез. Күңелегездән шатлык, тәнегездән саулык-сәламәтлек, йортыгыздан иминлек-бәракәт китмәсен! Бәйрәмегез котлы булсын!

Сөйкемле әниләр, назлы әбиләр, газиз сабыйлар! Сезне бүген барыгызны да язның беренче бәйрәме 8 март белән котлыйбыз! Эшегездә, тормышыгызда уңышлар, сәламәтлек, бәхет, озын гомер телибез!

Ямьсез күреп, ямьсез дия күрмә,

Һәр чәчәкнең аның төсе бар.

Сөйкемсез сөяк буламы?

Һәркемнең әнисе бар.

Бәләкәйне бәләкәй дия күрмә,

Газиз җанын бирер кеше бар.

Кеше бәләкәй буламы?

Кешенең әнисе бар.

Татар халкының бик күп уеннары бар. Менә шулар арасыннан җырлы-биюле "Чума үрдәк,чума каз" уенын уйнадык.

Халык сынамышлары

Яз көне эретмичә озак туңдырып торса, җәй коры була.
Яз көне агачлар бөреләрен астан яра башласа, яз тиз килә.
Кара карга килгәч, бер айдан кар кар китәр.
Карлыгач иртә килсә, көннәр тиз матурланыр.
Елгалар язын боздан тиз әрчелсә, ашлык уңар.
Су ташуы куәтле булса, ашлык яхшы булыр.
Язын иртә күк күкрәсә, ел яңгырлы булыр.
Аккош яз көне иртә күренсә, салкын булыр, кар тиз китмәс.
Язын сыерчык иртә килсә, көннәр җылы булыр.
Яз көне елгаларда су артмаса, ашлык уңмас.
 

Яз, яз, яз җитә,
Тәрәзәне ачтылар,
Тып, тып, тып итә
Эре-эре тамчылар.