Мәктәбебезнең 9 нчы сыйныфы укучысы Мифтахов А.Д.  авыл мәктәбендә укучылар арасында үткәрелгән  "Северное сияние"  дип аталган шашка ярышларында 1 нче урынны алды. Аны җиңүе белән котлыйбыз һәм алдагы ярышларда зур уңышлар телибез.

Хәтер көне уңаеннан 1551 нче елда булган вакыйгаларны искә алдык.

Технология дәресләрендә укучыларыбыз укытучы Копылова Г.Г. җитәкчелегендә  төрле ризык әзерләү серләренә төшенәләр. Бүген  8 нче класс укучылары токмач җәяргә һәм кисәргә өйрәнделәр. 

Всероссийская интеллектуальная игра "Риск"

Тарих һәм җәмгыять белеме укытучысы Нуриев М.Б.  "Россия һәм Татарстанның дәүләт символлары" темасына  ачык чара үткәрде. Әлеге чара укучылар өчен бик файдалы һәм кызыклы булды.

5 нче сыйныф укучысы Вәлиәхмәтов Д.Д.  "Крутушка" санаториенда ял итте. Ул анда шашка ярышында катнашып 1 нче урын алды.

8 октябрь көнне Кышкар авылында туып — үскән тел галиме, филология фәннәре докторы, профессор, Татарстан Республикасы Фәннәр академиясенең  әгъза-корреспонденты һәм академигы, Татарстан Республикасының атказанган фән эшлеклесе, Татарстан Республикасының Дәүләт премиясе лауреаты, “Хезмәттәге батырлыгы өчен” һәм “Хезмәт ветераны” медальләре иясе Юсупов Рүзәл Габдуллаҗан улы һәм аның тормыш иптәше Диләрә ханым, хезмәттәше, педагогия фәннәре докторы, профессор, Татарстанның атказанган укытучысы Фирас Харисов, райондашыбыз, күренекле журналист, Татарстанның атказанган мәдәният хезмәткәре Әгъзам Фәйзрахмановлар музеебызның әдәбият һәм сәнгать бүлегендә булдылар. Кунаклар музей белән таныштылар, Рүзәл Юсуповка 80 яшь тулу уңаеннан оештырылган күргәзмәне яратып карадылар. Ул районыбызда туып-үскән язучылар белән бәйле кызыклы истәлекләрен дә сөйләде. Якташыбыз музейга үзенең яңа басылып чыккан фәнни хезмәтләрен,  иҗаты һәм тормыш юлына багышланган китапларын бүләк итте.
 

Бүген укытучылар көне уңаеннан укучыларыбыз концерт куйдылар. Концертны әзерләгән укытучыларыбыз Нигмәтҗанова  А.Р. һәм Мәгъсумова Г.Ф. га рәхмәт белдерәбез.

Мәктәбебезнең башлангыч сыйныфлар укытучысы Мөхәмәтшина Э.Г.  "Үсеп килүче буынга белем бирүдә һәм тәрбияләүдә керткән өлеше өчен һәм укытучылар көне уңаеннан " район мәгариф бүлегенең  мактау грамотасы белән бүләкләнде.

1 нче сыйныф укучылары юлда йөрү кагыйдәләре белән таныштылар, әлеге темага караган уеннар уйнадылар, үзләренең ни дәрәҗәдә кагыйдәләрне белүләрен тикшерделәр.