Мәктәбебезнең биология укытучысы Закирова Н.Г. "Биология фәне буенча ОГЭ һәм БДИ га эффектлы әзерләнү өчен методик рекомендацияләр" дип исемләнгән республика семинарында катнашты.

Мәктәптә педагогик киңәшмә утырышы узды. Утырышта 1 нче чирек нәтиҗәләре белән таныштырылды, алдагы чиреккә бурычлар билгеләнде.

Каникул көннәрендә 9 нчы класс укучылары БДИ га әзерләнделәр.

Бөтендөнья "Татарча диктант яз" акциясендә  катнашкан укучыларыбыз мактау грамотасы белән бүләкләнде.

Мәктәптә каникул алдыннан гомуми мәктәп линейкасы үтте. Линейкада укучылар белән инструктаж үткәрелде. Анда юл йөрү , янгын куркынычсызлыгы, тимер юллар һәм таш юлларда йөрү, экскурсия вакытларында үз-үзеңне тоту, транспортта йөргәндә үз-үзеңне тоту, кичке вакытта йөрү вакытлары һәм  кагыйдәләре аңлатылды. 71 нче законны тиешенчә үтәргә кирәклеге турында кисәтелде. 

Бүген мәктәбебез укучылары һәм укытучыларыбыз Бөтендөнья  "Татарча диктант" акциясендә катнаштылар.

26 нчы октябрьдә Иске Ашыт төп гомуми белем мәктәбендә волейбол ярышлары узды. Безнең мәктәпнең кызлар командасы 2 нче урынны яулады. Тренерлары Гатауллин Н.Ш. Аларны әлеге җиңүләре белән котлыйбыз.

Укучыларыбыз күптән көткән "Көзге бал" бәйрәме үтте. Бәйрәм конкурс формасында оештырылды. Бәйрәмнең икенче өлешендә ярминкә үтте.

Башлангыч сыйныф укучылары география укытучысы Закирова Н.Г. ярдәмендә карта уку серләренә өйрәнә.