8 нче февральдә "Химик элементаларның периодик закон"ын  ачкан бөек рус химигы Д.И.Менделеевның тууына 185 ел. Әлеге уңайдан химия укытучыбыз Садыйкова Ә.В. "Соңгы элемент" дип аталган интеллектуаль уен-дәрес үткәрде.

Бүген гомуми мәктәп линейкасы үтте. Укучылар белән янгын куркынычсызлыгы турында әңгәмә уздырылды. Укучыларга балалар гаебе белән килеп чыккан янгыннар турында мәгълүмат бирелде, янгын китереп чыгарырга мөмкин булган әйберләр белән уйнамаска, сак эш итәргә  кирәклеге аңлатылды.. Тәрбия сәгатендә классларда "Ут дус та, дошман да" темасына сөйләшүләр булды. Шулай ук  әти-әниләргә янгын куркынычсызлыгы турында аңлатылды.

8 нче февраль көнне Ашытбаш урта мәктәбендә Нуриев Р.И.  КФХ призына Арча муниципаль районы беренчелегенә татарча көрәш буенча ярышлар үтте. Әлеге ярышта 5 нче сыйныф укучысы Вәлиәхмәтов Д.Д. 2 нче урын, 3 нче сыйныф укучысы Вәлиәхмәтов Н.Д. 3 нче урын алдылар. Аларны уңышлары белән котлыйбыз.

Бүген мәктәбебезгә "Казан арты " тарих-этнографик музее хезмәткәрләре : Гобәйдуллин И.И. һәм Нурмухаметова Л.Р. килделәр.  "Татар дәүләтчелеге торгызылу, проектлар, ТАССР оешу, нәтиҗәләр" дигән темага лекторий оештырылды.

Мәктәбебезнең башлангыч сыйныфлар җитәкчесе  Мәгъсүмова Г.Ф. һәм педагог-оештыручы Нигъмәтҗанова А.Р. "Воспитать человека" конкурсының район этабында уңышлы чыгыш ясадылар. 

Буген Наласа урта мәктәбендә  "ФОРПОСТ" оешуның 20 еллыгына багышланган зона ярышы булып узды. Районның 7 мәктәбе ( Урта гомуми белем мәктәпләре: Арчаның 6 нчы номерлы, Наласа, Иске Чүриле; Төп мәктәпләр: Түбән-Аты, Утар-Аты,Кушлавыч,Кәче) 7 төрле конкурста көч сынаштылар. Безнең мәктәп командасы 4 нче урын яулады. Аларны котлыйбыз!

"Замечательный вожатый - 2019" конкурсының район этабында безнең мәктәпнең отряд вожатые Садыйкова З.А. уңышлы чыгыш ясады.

Һәр класста Сталинград сугышына багышланган тәрбия сәгатьләре үтте.

Озынайтылган көн төркеменә йөрүче укучыларыбыз авыл китапханәсендә кунакта булдылар.