Уеннар, тәрбия чарасы буларак, баланың шәхес булып формалашуына зур йогынты ясый, психик үсешенә ярдәм итә. Алай гына да түгел, алар нәниләрдә дуслык, иптәшлек, гаделлек, зирәклек кебек сыйфатлар да тәрбияли. Уеннар ярдәмендә бала тырыш, көчле, сәләтле, нык ихтыярлы булып үсә. Уен вакытында балаларның иҗат мөмкинлекләре ачыла, мөстәкыйльлекләре арта, оештыру сәләтләре үсә. Кечкенәләр төркемендә  хәрәкәтле күмәк уеннар режим вакытында еш уйнала, шулай ук ашар алдыннан, урамнан кергәч оештырыла.
Мондый уеннар балаларны тынычландырырга ярдәм итэ. Иң мөһиме бу уеннар аша оялчан балалар да активлаша, бер-берсе белән күбрәк аралаша башлый.