Бүген бакчабызда мәгариф идарәсе методисты Мостафина Э.Г. һәм мәктәпкәчә белем бирү буенча методист Иманаева А.Р, бакчабыз мөдире Файзрахманова Г.Р., бакчабызның өлкән тәрбиячесе Низамова Р.Г тарафыннан оештырылган "Балалар бакчасында милли төбәк компонентын тормышка ашыру юллары" исемле балалар бакчалары тәрбиячеләре өчен районкүләм семинар булып үтте. Семинар кунакларны музыкаль сәламләү белән башланып китте. "Уйнап сәяхәт итәбез", "Әбидә кунакта"дигән күңел ачу чаралары, "Орчык өмәсе", "Каз өмәсе" йолалары күрсәтелде. "Арча" спорт комплексына сәяхәт", "Без-рәссам иллюстраторлар" дигән эшчәнлекләр белән дәвам ителде. Мультфильм ясау буенча, "Милли татар бизәкләре белән заманча бизәнү әйберләре"дигэн мастер-класслар курсэтелде.Шулай ук район балалар китапханәсе мөдире Рахимбаева А.Г , "Казан арты" тарих-этнография музее" этнография бүлеге мөдире Хазиева Г.Н һәм өлкән тәрбияче Низамова Р.Г чыгышлары тыңлап үтелде. "Мәгариф идарәсе" методистлары Мостафина Э.Г., Иманаева А.Р ның семинар эшенә уңай нәтиҗә ясау белән тәмамланды.