Татар халкын милли буларак саклап калу, кече яшьтән халкыбызның милли бәйрәмнәре, йолалары, гореф-гадәтләре һәм шулай ук Идел буе халыкларының традицияләре, уеннары,милли киемнәре белән таныштыру без тәрбиячеләрнең төп бурычы булып тора. Бу бурычларны тормышка ашыру өчен һәр төркемдә милли почмаклар бар. Монда татар, рус, мари, чуваш, башкорт милли киемнәре белән киенгән курчаклар, дидактик уеннар, Идел буе халыкларының тарихы, мәдәниятын, милли кием, ризыкларын чагылдырган проектлар һәм папкалар булдырылды. Иң мөһиме, нәниләребезнең туган телләрен, ата-бабаларыбызның матур йолаларын, гореф-гадәтләрен өйрәнеп үсүләре. Ә үз милләтенең үткәнен белеп үскән бала тәрбияле дә, төрле яклап гыйлемле дә булачак!