Уважаемые родители с сотрудники детского сада!

Приглашаем Вас на выпускной бал 29 мая 2014 года в 16.00 ч.

Тиздән мәктәпләрдә генә түгел, балалар бакчаларында да чыгарылыш кичәләре була.  5нче бакчада моңа күптәннән әзерлек эшләре  башланды. Беренче чиратта балачак истәлеге итеп агачлар утыртырга булдылар. Тиздән бакча паркында 2014 елгы чыгарылыш төркеме балалары исемнәре язып эленгән миләш, усак, чыршылар яфрак та ярыр.

Бу тәрбияви чара да. Кечкенәдән малайлар һәм кызлар күңелендә табигатькә мәхәббәт хисе уяту. Андый эчтәлекле һәм тәрбияви чаралар бу бакчада бик еш оештырыла. Ата—аналар балаларының  шулай күпне белеп, тәрбияле һәм мәрхәмәтле булып үсүләреннән бик канәгать. Моның өчен  без балалар бакчасы җитәкчесе Лилия Шәйхетдинова, тәрбиячеләр Рәүзия Камалетдинова, Светлана Петровага бик рәхмәтле. Үз хезмәтләрен яратып башкарган, балаларны яраткан кешеләр генә тиешле нәтиҗәләргә ирешә ала. Тәрбиячеләр, чыннан да, мактауга лаек бит. Рәүзия Камалетдинова “Ел тәрбиячесе—2014” район бәйгесендә җиңү яулады.  Балалар бакчасы  да гаилә бакчалары буенча грантка ия. Хәзер шул акчага алынган мәгълүмати—технологик чаралар белән эш алып баралар. SMART өстәле төрле юнәлештә дәресләр үткәрү өчен кулланыла. Юл йөрү кагыйдәләрен өйрәнүгә зур игътибар бирелә. Бу юнәлештә биредә күптәннән эш алып барыла. Гөлназ Садыйкова балаларны татар теленә өйрәтә. Рус милләтеннән булган малайлар һәм кызлар да бик теләп татар телен үзләштерә. Китапханәдә үткән Тукай, Җәлилгә багышланган шигырь бәйрәмнәрендә катнашып, балаларыбыз беренче урыннарны яуладылар.  Инглиз теленә дә бик теләп өйрәнәләр. Бу да бүгенге заман өчен бик кирәк нәрсә. Балаларыбызның мәктәпкә шулай һәръяктан әзерлекле булып барулары безнең өчен дә зур сөенеч.

Барлык ата—аналар исеменнән Миләүшә Нотфуллина

Уважаемую Газизову Гульнар Абдуллазяновну поздравляем с юбилеем!!!