19 нчы апрель көнне мәктәптә бик җылы очрашу булды. Бүгенге кичәбезнең кунагы- тормышның төрле этапларын үтеп, батыр хезмәтләре белән халык рәхмәтен, ихтирамын казанган, олуг йөрәкле журналист, китаплар авторы Зәкиева Гөлсинә Вазыйх кызы иде. Хезмәт юлын Гөлсинә Вазыйховна Әтнә районының Күнгәр урта мәктәбендә башлый, әмма язмыш аны район газетасы редакциясенә алып килә, 1983 елдан журналист эшчәнлеген башлап җибәрә. Озак еллар намуслы хезмәте өчен Татарстан Республикасы Министрлар Кабинетының “ТАТМЕДИА” матбугат һәм массакүләм мәгълумат чаралары буенча республика агентлыгының, Татарстан Республикасы Журналистлар берлегенең Мактау грамоталары белән бүләкләнгән. 2021 нче елны “Бәллүр каләм” бәйгесендә «Һөнәрдә иң яхшысы» номинацисендә җиңүче булган. Гөлсинә апа 35 елдан артык “Җидегән чишмә” Арча халык театрында уйный. Шушы вакыт эчендә ул бик күп образлар иҗат иткән, тамашачы мәхәббәтен яулаган шәхес. Кичә барышында милли җанлы, әдәбиятка гашыйк хөрмәтле кунагыбыз укучыларны кызыксындырган сорауларга җавап бирде.
Очрашуның икенче өлешендә 6 нчы А сыйныфы укучылары Гөлсинә апа Зәкиеваның “Репететция” дигән спектален күрсәттеләр.Очрашу балалар куңелендә озак сакланыр.