Мәктәбебездә «Театр яктылыкка илтә» түгәрәге эшләп килә. Аның  эшчәнлеге милли традицияләрне укучыларга җиткерүдә зур роль уйный, укучыларның сәләтләрен ачарга, уй-хыялларын үстерергә мөмкинлек бирә, матурлыкны күрә белергә өйрәтә. Түгәрәктә сәхнә теле, сәнгатьлелек, иҗадилык, бәйләнешле сөйләм үстерү игътибар үзәгендә. Укучылар көче белән «Могҗизалар төне» исемле әкият-пьеса күрсәтелде. Әкиятнең нигезенә туган телгә мәхәббәт, ихтирам хисләре тәрбиләү, аның киләчәге турында кайгырту, халкыбызның гореф-гадәтләрен саклау бурычы салынган.  Әзерлек барышында укучыларга, сәләтләреннән мөмкинлекләреннән чыгып, рольләр бирелде. Һәр укучы үз ролен теләп, яратып өйрәнде, оста һәм матур башкарып, тамашачы күңелен яулады.