Дружина советына йөрүче укучылар (җитәкчеләре Сираҗиева Н.Ф.) 5 нче “Г”сыйныф укучылары белән “Батырлык сүзе нәрсәне аңлата?” темасына  сбор  уздырдылар.  Сборның максаты -  Батырлык төшенчәсен ачыклау. Сбор батырлык турындагы шигырьләр уку, мәкальләрнең мәгънәләрен аңлату белән башланып китте. Бу сүз нәрсәне аңлата соң?  Әлеге сүзнең мәгънәсен  укучылар  аңлатмалы сүзлектән  таптылар. Батырлык – героик, фидакарь, кыю эшләнгән эш ул. Һәм күп очракта аны балалар эшли. Укучылар балаларны  герой пионерлар тарихы белән дә таныштырдылар. Балалар язмышы бер – берсенә бик охшаш.  Алар өчен сугыш дигән михнәт гомуми биографиягә әйләнгән. Тылда булсалар да, сугыш эчендә кайнасалар да аларның эшләгән батырлыклары бәхәссез. Без тыныч тормышта нинди батырлыклар эшли алабыз соң? Укучылар бу турыда да сөйләштеләр.Сбор “Һәр вакыт булсын кояш” җыры белән тәмамланды.