8  нче февральдә ”Патриот” отрядына йөрүче укучылар (җитәкчеләре Сираҗиева Н.Ф.) 8 нче сыйныф укучылары белән“Ватан Геройлары көне”нә багышланган сыйныф сәгате уздырдылар. Бөек Ватан сугышында илебезне саклауда өлкәннәр белән  беррәттән балалар да катнашкан. Сигез – унике яшьлек балаларның сугыш михнәтләре кичерүләре – үзе бер батырлык ул. Бу балалар хакында бик күп сөйләп була. Алар сугыш китергән кайгы – хәсрәтләр өчен үзләре үч алырга телиләр, үзләреннән ике тапкыр зуррак винтовкалар тотып, кечкенә солдатларга әвереләләр. Һәлак булган әти – әниләре турында кара кәгазьләр алып, чиксез хәсрәт – кайгыга чумалар, ятимлек ачысын татыйлар. Сыйныф сәгате укучыларда  зур дулкынлану уятты.Алар бик күп сорауларга җавап эзләделәр. Тормыш дәвам итә. Көннәр тыныч, имин булсын өчен сугышны булдырмаска, ул китергән газап – михнәтләрне онытмаска кирәк.   Ватаныбыз азатлыгы өчен башларын салган каһарманнар турында онытырга безнең хакыбыз юк!