Сталинград сугышы – Бөек Ватан сугышында иң зур бәрелешләрнең берсе булган.  2 нче февраль - Сталинград янында немец-фашист гаскәрләрен тар-мар иткән көн. Шушы истәлекле вакыйга уңаеннан, 2 нче февральдә  “Патриот”  һәм “Волонтеры Победы”  отрядына йөрүче укучылар (җитәкчесе Сираҗиева Н.Ф.) 8 нче сыйныф укучылары белән “Сталинград - тарих битләреннән” дигән сыйныф сәгате уздырдылар. Отрядка йөрүчеләр   презентация аша, бу коточкыч сугыш турында сөйләделәр, аннан соң документаль фильм карадылар. Сталинградны саклаучыларның батырлыгы – ныклык һәм каһарманлык үрнәге буларак тарихка кереп калган. Җирдәге тынычлык өчен без дә  ветераннарга башыбызны иябез.