22 нче ноябьрдән  29 нчы   ноябьргә кадәр мәктәбебездә әниләр көненә карата төрле чаралар уздырылды. Бу чараларга һәр бала үзенең өлешен кертте. ”Патриот” отрядына йөрүче укучылар Арча шәһәре узегендә “Әни сәламәт булса- бала да сәламәт була” исемле акция үткәрделәр. Дружина советына йөрүче укучылар 1 нче һәм 2 нче сыйныфларда “Әни – иң якын кеше” исемле сбор уздырдылар. Башлангыч сыйныф укучылары төрле күргәзмәләр оештырдылар.
 5 – 7 сыйныф укучылары әниләре белән фотога төшеп, «Әни һәм мин – якын дуслар» исемле фото күргәзмәдә катнаштылар. 8 нче сыйныфлар «Әни мәхәббәте - мәңгелек» исемле плакатлар ясадылар. Югары сыйныфта белем алучылар «Мода белән киенү – гаеп түгел» исемле видеороликлар күрсәттеләр, ә инде 9 нчы сыйныф укучылары мәктәбебезгә килгән әти – әниләрдән, укытучылардан һәм укучылардан бәйрәм темасына кагылышлы интервью алдылар.Бәйрәм тагы да ямьлерәк булсын өчен, тәнәфесләрдә әниләр турындагы җырлар, шигырләр яңгырады. Бәйрәм рухы мәктәбебезгә тагы да нур өстәде. Һәр бала өенә кайткач, үз әнисен бәйрәм белән котлады. Бу чара укучыларда әниләребезгә мәхәббәт хисе тәрбияләде.