Муниципальное бюджетное общеобразовательное учреждение «Ашитбашская средняя общеобразовательная школа имени Г.Тукая» Арского муниципального района Республики Татарстан/Татарстан Республикасы Арча муниципаль районының "Г. Тукай исемендәге Ашытбаш урта гомуми белем мәктәбе" муниципаль бюджет гомуми белем учреждениесе
Визитная карточка
Адрес: | 422039, РТ, Арский район, д. Ашитбаш, улица Пионерская, дом 34 |
Телефон: | +7(843)-669-02-28 |
E-Mail: | Sab.Ars@tatar.ru |
Министерство: | Министерство образования и науки Республики Татарстан |
Короткое название: | МБОУ "Ашитбашская СОШ имени Г.Тукая" |
Руководитель: | Кавиева Рамиза Раисовна |
Год основания учреждения: | 2004 |
У нас учатся: | 62 обучающихся \ Бездә укыйлар: 62 укучы |
У нас учат: | 18 учителей \ Бездә укыталар 18 укытучы |
Муниципальное бюджетное общеобразовательное учреждение «Ашитбашская средняя общеобразовательная школа имени Г.Тукая» Арского муниципального района Республики Татарстан/Татарстан Республикасы Арча муниципаль районының "Г. Тукай исемендәге Ашытбаш урта гомуми белем мәктәбе" муниципаль бюджет гомуми белем учреждениесе - новости
Страницы: << ( 301 ) 302 303 304 305 306 307 308 309 310 >>
-
Спорт түгәрәге
01.04.2014
Язгы каникул көннәрендә дә мәктәптә түгәрәкләр тулы көченә эшләде.
-
“Җир сәгате” акциясе
31.03.2014
29 март көнне “Җир сәгате” акциясе узды , аңа без дә кушылдык. Җир планетасының киләчәгенә битараф булмаган һәркем бу көнне кичке сәгать тугызынчы яртыдан унынчы яртыга кадәр өендәге утны сүндереп торырга тиеш иде.
Мәгълүм булганча, әлеге акция Кыргый табигать дөньяара фонды тарафыннан һәр елны март аеның соңгы шимбәсендә үткәрелә. Фонд вәкилләре кешелек дөньясын, әйтик, лифт кебек тормыш өчен аеруча мөһим булмаган электр приборларыннан вакытлыча баш тартып, беразга гына булса да, җиргә якынлашырга чакыра.
-
Котлау
29.03.2014
Хөрмәтле җитәкчебез Рәмизә Рәисовна!
Сезне ихлас күңелдән олы бәйрәмегез-50 яшьлек юбилеегыз белән чын күңелдән котлыйбыз! Тормыш бәйрәмегез белән котлап, Сезгә исәнлек-саулык, шатлык-куанычлар белән тулы көннәр, рухи камиллек, гаилә иминлеге, мул тормыш һәм сәламәтлек телибез.
Туган көнегез-юбилеегыз белән,
Чын күңелдән сезне котлыйбыз.
Сәламәтлек, шатлык-куанычлар,
Күңел тынычлыгы телибез.
-
Мәктәпкә кабул итү чоры
25.03.2014
10 марттан 1 нче класс укучыларының гаризаларын мәктәпкә кабул итү чоры башланды. Мәктәп 15 укучыны кабул итәргә әзер. Гаризаларны язу өчен "Подача заявления на прием" бүлегенә керегез.
-
Иҗат концерты
23.03.2014
21 март көнне Ашытбаш мәдәният йортында укучылар һәм укытучылар коллективының иҗат концерты булды. Тамашачы мәктәп коллективының чыгышын бик яратты ,зур рәхмәтен җиткерде.
-
“Созвездие-Йолдызлык”
21.03.2014
19 март көнне “Созвездие-Йолдызлык” конкурсының район туры үтте. Мәктәбебезнең 11 нче сыйныф укучысы Нуруллин Алмаз , “Вокал-соло” номинациясендә җиңеп, зонага узды. Афәрин,Алмаз
-
Белдерү!
20.03.2014
Хөрмәтле әти-әниләр!
21 нче март көнне “Хезмәт тәрбиясе һәм һөнәри юнәлеш бирү” дигән темага гомуми ата-аналар җыелышы үткәрелә. Ахырдан укучылар һәм укытучылар коллективының иҗат концерты була.
Башлана 18.00 сәг.
Рәхим итегез!
-
Материал для пробного тестирования по предмету "Татарский язык"
19.03.2014
Нормативные документы и контрольно-измерительный материал для пробного тестирования по предмету "Татарский язык" имеется на сайте Министерства образования и науки РТ http://mon.tatarstan.ru/ в разделе мониторинг качества образования.
-
Бер очрашу – бер гомер
17.03.2014
Ай да башка, йолдызлар да башка,
Һава башка, хәтта җил башка!
Йөрәгемә шундый якын бар да
Туган авылым Ашытбашта.15 март көнне мәктәбебездә авылыбыз горурлыгы булган, үз таланты белән татар халкының күңелен яулаган , яраткан шагыйребез ,авылдашыбыз Наил Касыймов һәм Татарстанның атказанган артисты Рамил Миндияр белән очрашу кичәсе булды.
Очрашу бик кызыклы , матур,тирән эчтәлекле булды. Наил абый үзенең балачагы, олы тормыш юлына аяк басуы, беренче тапкыр каләм тотуы турында да бик кызыклы итеп сөйләп бирде, кайчак, шаярткалап, балаларнын күңелен дә күтәрде.Үзенең киңәшләрен,теләкләрен җиткерде. Рамил Миндияр үзенең моңлы тавышы белән барыбызны әсир итте.
Наил абыйның классташлары, күршеләре истәлекләр белән уртаклаштылар,җылы , матур сүзләрен җиткерделәр. Кичәдә укучылар һәм укытучылар тарафыннан Наил абыйның шигырьләре, җырлары яңгырады. Укучыларның шагыйрьгә сораулары да бик күп иде. Наил абый аларның берсен дә җавапсыз калдырмады. Ул укучыларга,мәктәпкә бик күп бүләкләр белән кайткан.Әлеге матур очрашу күңелләрдә мәңге сакланыр.
Сизелми гомер узганы
Дуслар җыелган җирдә.
Кайгы , сагыш онытыла,
Алар тик кала җырда.
Очрашыйк ,якын дусларым,
Вакыт туктасын әле.
Безнең өчен учак янсын,
Гомер янмасын әле!
-
«Сугыш чоры балалары» проекты
16.03.2014
Сугыш чыккан көнне хәтерлим мин,
Бүгенгедәй ачык хәтерлим.
Күзе яшьле, hаман көлеп торган
Йөзе кырыс иде әтинең...
Балачак һәм сугыш – үзара сыеша алмый торган төшенчәләр. Сугыш чоры балаларының балачагы ил өстенә төшкән кайгы һәм интегүләрдән аерылгысыз була. Сугыш чоры балалары менә шундый язмышлары турында искә төшереп сөйлиләр.
“Сугыш чоры балалары” дигән категориягә 1928-1945 елларда туучылар керә. Бөек Ватан сугышының иң яшь , тере шаһитлары нәкъ менә алар. Проектның актуальлеге – аның тәрбияви әһәмиятендә, социаль бурычының мөһимлегендә. Сугыш чоры балалары кечкенәдән үк патриотлар булып үсәләр. “Ул сугышта алар да җиңәләр”: басуларда һәм заводларда эшлиләр, укыйлар, әти-әниләренә булышалар һәм барлык халык белән бергә Туган ил мәнфәгатьләрен яклап яшиләр.
Мәктәбебез укучылары да әлеге проектка беренчеләрдән булып кушылды. Сугыш чоры балалары – хәзер инде күпне күргән, күпне кичергән чал чәчле өлкәннәребез . Кызганычка каршы , аларның күбесе әлеге сугышта әти-әниләрен,туганнарын,якыннарын югалтканнар. Сугыш чоры балаларының хатирәләре - авылым тарихы,илем тарихы. Алар белән очрашулар, хатирәләр, истәлекләр тыңлау ,аларны туплау – бик кирәкле , әһәмиятле эш.
Хөрмәтле сугыш чоры балалары!Кадерле өлкәннәребез,әби-бабайларыбыз!
Түзем hәм сабыр булганыгыз өчен,
Алдыгызда җиргә кадәр баш иябез!