Арчаның 1 нче мәктәбендә  бөек татар шагыйре  Г.Тукайның 133 еллыгына багышланган “Без – Тукай варислары” исемендәге шигырь укучылар конкурсы үткәрелде. Безнең мәктәптән Шәвәлиева Р (1 сыйныф) , Фәтхетдинова А (3 сыйныф), Әсәтова И (4 сыйныф) катнашып, 3 нче  урынга лаек булдылар. Кызларны уңышлары белән котлыйбыз!

С 15 по 21 апреля 2019 года для учащихся 7-11 классов было проведено всероссийское образовательное мероприятие «Урок цифры» на тему «Управление проектами». Это необычные уроки информатики, подготовленные специалистами фирмы «1С». На этом уроке они узнали, что такое проектная деятельность, какими признаками обладают проекты и в чем их специфика в области информационных технологий; раскрыли механизм управления командой и важность роли руководителя проекта;

20 нче апрель көнне укучыларыбыз Бөтенроссия күләмендә үткән "Библионочь -2019"  акциясендә катнаштылар. Алар Кырлайда Г.Тукай Дәүләт әдәби –мемориаль музей комплексында булдылар һәм “Өмет” тернәкләндерү үзәгендә ял итүчеләргә Г.Тукайның “Таз”шигырен сәхнәләштереп күрсәттеләр.

Р.Шәрипов исемендәге төбәкара яшь шигырь язучылар бәйгесендә катнашып, укучыларыбыз зур уңышлар белән кайттылар. Хисамиева Ландыш, Хәбибуллина Хәния 1 нче урын, Әхмәтгалиев Әмир 2 нче урын яуладылар.  Алар республикабызның Мактау грамоталарына лаек булдылар. Ситдыйков Раяз һәм Фәйзрахманов Аяз дипломантлар булды. Укучыларыбызны һәм аларның җитәкчеләрен зур җиңүләре белән котлыйбыз! Киләчәктә дә зур уңышлар телибез

18 нче апрель көнне Арча мәдәният йортында  “Арский бал-2019” бәйгесе уздырылды. Бәйгедә катнашкан  8 класс укучылары Сабитов Илназ һәм Валиуллина Алсинә ( җитәкчесе Абдуллаҗанова Г.Г) “ Иң  зәвыклы  пар “  дигән исемгә  лаек булдылар.

17 нче апрель көнне Г.Тукай исемендәге Ашытбаш урта мәктәбендә бөек татар шагыйре Г.Тукайның тууына 133 ел тулу уңаеннан “Төньяк балкышы. Интеллектуаль мәктәп” дип аталган республикакүләм интеллектуаль уеннар (шашка+шахмат) шәхси-команда турниры узды. Турнирда республикабызның 8 районыннан килгән 70 тән артык кеше көч сынашты. Әлеге ярышта катнашып, укучылар үзләренең интеллектуаль осталыкларын сынадылар. Ярышлар бик көчле барды. Уенчыларны Казан шәһәренең Р.Г.Нәҗметдинов исемендәге шашка-шахмат мәктәбе укытучысы П.В.Иванов хөкемдарлык итте . Ярышлар югары дәрәҗәдә үтте.

Ниһаять, нәтиҗәләр билгеле.

Командалар арасында:

1 урын –Ашытбаш урта мәктәбе, Арча районы

2 урын – Курса Почмак урта мәктәбе, Арча районы

3 урын – Юлбат төп гомуми белем мәктәбе, Саба районы

Шәхси беренчелек буенча җиңүчеләр:

Шәрипов Илфат, Ашытбаш урта мәктәбе, Арча районы

Гаврилов Вячеслав, Ашытбаш урта мәктәбе, Арча районы

Минҗанова Фирүзә, Яңа Кырлай урта мәктәбе,Арча районы