Безнең бакча  олы юл буенда урнашкан, шуңадыр да  безнең бакча белән кызыксынучылар да күп була. Өлкәннәр ункөнлеге якынлашканда бакчага бер төркем әбиләр һәм бабайлар килеп керделәр. Аларның  йөзләрендә шатлык, куанычлар шулкадәр күп иде, хәтта безнең бакча балалары гаҗәпләнеп калдылар. Медальле бабайлар, ак яулыклы апалар  һәрбер бала белән кул биреп исәнләшкәч, икеарада җылы мөнәсәбәт туды,балаларның күңелендә өлкәннәргә карата хөрмәт тагын да артты, үсте, алар тәртипле, Туган илне яратырбыз- диеп кабатладылар...  Ә инде өлкәннәр балаларның  шат авазларын ишетеп, шундый матур, җылы,якты бакчага йөрүләренә  шатландылар. "Сезнең бала чагыгыз бәхетле, тыныч вакытка туры килде, киләчәгегез дә шулай тыныч һәм бәхетле булса иде!"- диеп күз яшьләре аша теләкләр теләделәр.