Без,  Морзалар урта мәктәбенең 5-11 нче сыйныфы укучылары, 26 нчы декабрь конне   сыйныф җитәкчеләребез белән берлектә  Апас үзәгенә сәяхәт иттек. Безне район мәгариф бүлеге җитәкчесе Алсу Эдуард кызы һәм  Апас "Сәләт"  үзәгендә оешкан хәрби- патриотик  музей җитәкчесе Гөлнур  Хәйдәр кызы  каршы алды.  Алар сәяхәтебезне районда яңа ачылган спорт учагы һәм "Дельфин" су коену үзәге  белән таныштырудан башладылар. Безгә аеруча да бассейн бик ошады һәм су коенасыбыз килеп китте. Тирә - як районнарның спорт сөючеләрен дә узенә җәлеп иткән  Боз сараенда  яшь хоккейчыларның уенын карадык.  Паркта безне зур чыршы, Кыш бабай һәм Кар кызы, кардан ясалган гаҗәеп матур  сыннар каршы алды. Без, балалар, бик теләп фотога төштек. Апасның  күрке булган "Туган якны өйрәнү" музеендагы яңа экспонатларны күрү бәхетенә дә ирештек. Ачык йөзле Рәмис Госман улы, тәмле телле экскурсовод апалар безне елмаеп каршы алдылар һәм музей белән таныштырдылар. Балаларга зур мамонтлар һәм кечкенә җитез тиен бик ошады. Сәяхәтебезне кафеда дәвам иттек. Анда кайнар пылау белән сыйландык, тәмле кабартма белән чәй эчтек. Бу сәяхәт безгә бик ошады. Сәяхәтне оештыручы, безгә барлык уңайлыклар тудырган  район башлыгы Рәшит Нәҗиб улына һәм район администрациясенә зур рәхмәтебезне белдерәбез. Морзалар урта мәктәбе укытучылар һәм укучылар коллективы.