Бүген мәктәбебездә башлангыч сыйныф укытучысы Хөсәенова Венера Фирдинант кызы   "Тормыш иминлеге нигезләре" курсыннан  ачык дәрес уздырды.  Әлеге дәрестә тормыш өчен куркынычлы экстрималь вакыйгалар турында сөйләшенде.

Россия күләм "Тормыш иминлеге нигезләре" курсыннан ачык дәрес үткәрү максатыннан медицина хезмәткәре белән очрашу булып узды. Авылыбызның фельдшере Әнисә апа укучыларга беренче медицина ярдәме күрсәтү күнекмәләрен өйрәтте. Кан киткәндә жгут салу, сөякләр сынганда шин кую ысулларын күрсәтеп  практик дәрес уздырды.

Бүген пожардан саклау службасының һөнәри бәйрәмнәре. Шушы максаттан мәктәбебездә Татарстан Республикасы Апас муниципаль районының Гадәттән тыш хәлләр министырлыгының күзәтеп тору бүлеге начальнигы Вәлиев Илдар Илгизәр улы  "Тормыш иминлеге нигезләре" курсыннан  ачык дәрес уздырды. Бу дәрес укучылар һәм укытучылар колективы өчен бик кирәкле һәм файдалы булды.

"Үз агачыңны утырт" акциясендә безнең мәктәп укучыларыда бик теләп катнашты. Бүген мәктәп яны тәҗрибә кишәрлегенә чия үсентеләре утыртылды.

"Язның бер көне ел туйдыра", дигән девиз белән бүген мәктәп бакчасына кишер, суган  чәчәкләр һәм җиләк үсентеләре утыртылды.  "Туфракка  дымлы вакытта  орлыкларны чәчү уңышны мулрак бирер" - ди химия-биология укытучысы, мәктәп яны тәҗрибә кишәрлеге җитәкчесе  Хәйбуллина Фәния Фәрид кызы.

Быелгысы елда мәктәп яны тәҗрибә кишәрлеге,  авыл хуҗалыгы министырлыгы тарафыннан  бирелгән  грантка алынган  мотоблок ярдәмендә эшкәртелде. Югары сыйныф укучылары бу  техника белән бик теләп һәм яратып мәктәп бакчасын эшкәртте.

15-26 апрель көннәрендә мәктәбебездә Тукай көннәре булып узды. Бу көннәрдә балалар Тукайның шигырьләрен ятладылар, әсәрләренә карата рәсемнәр ясадылар, әкиятләрен сәхнәләштерделәр. Г. Тукай турында төрле истәлекләр белән таныштылар. Безнең күңелләрдә Тукай мәңге яшиячәк.

Бүген мәктәбебездә тарих һәм хокук укытуччысы Шәйдуллина Мәдинә Фергать кызы җитәкчелегендә парламент дәресе булып узды. Дәрес Татарстан Республикасының Дәүләт  символикаларына багышланган иде. Дәрес ахырында "Татарстан Республикасының Дәүләт флагы, гербы, гимны - Татарстан Республикасы суверенлыгын чагылдыручы символлар булуы, аларны ихтирам итү - Татарстан Республикасының һәр гражданинының изге бурычы"  дигән нәтиҗә ясалды.

Мәктәбебезнең 9 нчы сыйныф укучылары аграр көллияткә ачык ишекләр көненә бардылар.  Көллияттә аларны якты чырай,тәмле ашлар белән каршы алдылар. Укучылар очрашудан бик канәгать булып кайттылар.

 Табигый байлыкларны саклау һәм тирә-юнне чистарту максатыннан бүген безнең мәктәптә дә өмә булып узды.

Өмә барышында мәктәп территориясе коры-сарыдан, чүп-чардан һәм чүп үләннәрдән чистартылды. Укытучылар, укучылар, балалар бакчасы һәм медпункт  хезмәткәрләре өмәдә бик теләп  катнаштылар.